Umuhungu wa Perezida wa Uganda Gen Muhoozi Kainerugaba yagizwe Umugaba Mukuru w’Ingabo za Uganda
Umuhungu wa Perezida wa Uganda Gen Muhoozi Kainerugaba yagizwe Umugaba Mukuru w’Ingabo za Uganda
Perezida wa Uganda akaba n’Umugaba w’Ikirenga w’Ingabo z’Igihugu, Yoweri Kaguta Museveni, yakoze impinduka mu buyobozi bukuru bw’Ingabo za Uganda (UPDF), umuhungu we General Muhoozi Kainerugaba amugira Umugaba Mukuru w’Ingabo za Uganda.
General Muhoozi Kainerugaba yari asanzwe ari umujyanama wihariye wa Perezida Museveni.
General Muhoozi uhabwa amahirwe yo gusimbura se ku butegetsi, akunze kugaragara ashishikajwe n’ibikorwa by’umutekano ndetse n’ibya Politiki byo muri aka Karere. Amaze iminsi mu bikorwa by’ubukangurambaga bwibanda ku kwigarurira imitima y’urubyiruko abinyujije mu gisa n’ishyaka yise ‘MK Movement’.
Biravugwa ko General Muhoozi Kainerugaba ashobora kwiyamamariza kuyobora Uganda mu matora ateganyijwe mu mwaka wa 2026.
H. Rene Maurice
I am responsible for this article, not the BIGEZWEHO TV website. Please contact me if you need more information about it : +250 783348461
