Igisirikare cya Uganda (UPDF) cyatangaje ko Brig Gen Stephen Kiggundu wari Umugaba wungirije w’Ingabo zacyo zirwanira mu kirere yishwe n’amashanyarazi.
Ku mugoroba wo ku Cyumweru tariki ya 31 Werurwe ni bwo hamenyekanye amakuru y’uko Brig Gen Kiggundu yapfiriye mu bwogero.
Umuvugizi wa UPDF, Brig Gen Felix Kulayigye, yatangaje ko uriya musirikare wapfiriye mu rugo rwe ruri i Entebbe yishwe n’amashanyarazi, gusa ahishura ko urupfu rwe rugikorwaho iperereza.
Ati: "Twabwiwe ko yari ari gukaraba ku mugoroba hanyuma agafatwa n’amashanyarazi akamwica. Ibirambuye ku buryo yishwe n’amashanyarazi ntiturabimenya, umurambo uracyari mu buruhukiro, nitubona raporo kw’isuzuma ku cyamwishe tuzahita tuyitangaza."
Mu 2022 ni bwo Brig Gen Kiggundu yahawe ipeti rya Brigadier anahita anagirwa Umugaba Mukuru Wungirije w’Ingabo zirwanira mu Kirere (UPDAF).
T. David
I am responsible for this article, not the BIGEZWEHO TV website. Please contact me if you need more information about it : +250 784 525 501
