Uganda: Kiliziya yanze gusengera amasengesho aherecyeza Lt. Amon Ariho umusirikare w’ingabo z’igihugu cya Uganda (UPDF) uherutse gupfa yiyahuye
Uganda: Kiliziya yanze gusengera amasengesho aherecyeza Lt. Amon Ariho umusirikare w’ingabo z’igihugu cya Uganda (UPDF) uherutse gupfa yiyahuye
Umurambo wa Lt. Amon Ariho, umusirikare w’ingabo z’igihugu cya Uganda (UPDF) wiyambuye ubuzima mu cyumweru gishize, yashyinguwe mu muhango wabereye mu isambu ya ba sekuruza be mu Kagari ka Mwanjari, Paruwasi ya Kibanda, mu Murenge wa Kamwezi, mu Karere ka Rukiga.
Umurambo wa Lt. Ariho, wakoraga muri Brigade y’Ubwubatsi ya UPDF, bivugwa ko yerekeje i Nakirebe, hagati y’Akarere ka Wakiso na Mpigi, aho yahagaritse imodoka ye yirabura ifite numero UBJ 493 Q ku kibuga cy’umupira.
Amaze gusaba abakinnyi bari mu kibuga kugenda, yirashe mu mutwe, ahita apfa.
Gushyingurwa kwe mu mpera z’icyumweru gishize byaranzwe n’amarangamutima akomeye no kudaherekezwa mu cyubahiro cya gisirikare gisanzwe, ubusanzwe bikorwa mu mihango isanzwe yo guherekeza abasirikare bapfuye yahawe.
Icyongereye agahinda ku bari cyunamo ni uko na kiliziya yanze kumusengera bwa nyuma cyangwa ngo imwemerere gushyingurwa gikirisitu, kubera ko yiyahuye nk’uko tubikesha Chimpreports.
Ahubwo, umurambo wa Ariho wajyanywe n’ikigo gitanga serivisi zo gushyingura ku mva bamushyingura nta sengesho rivugiwe aho cyangwa ngo haririmbwe indirimbo y’igihugu.
Abagize umuryango, inshuti, n’abayobozi b’inzego z’ibanze batanze disikuru mu gihe cyo gushyingura, bagaragaza akababaro n’agahinda kubera urupfu rwe rutunguranye.
Mu bantu bashenguwe n’urupfu rwa Lt. Ariho harimo Umugaba Mukuru w’Ingabo za Uganda, Gen. Muhoozi Kainerugaba, wanijeje guhanga na ruswa iri mu gisirikare yemeza ko ari yo yatumye Ariho yiyahura.
