Umupira w’amaguru wigaruriye abaturage b’isi yose kuko ni wo mukino wa mbere urebwa n’abantu benshi. Kugira ngo uyu mukino ubeho hakenerwa ibikorwaremezo nk’ibibuga bifite n’aho abafana bicara.
Ibikorwaremezo byo gukiniraho umupira byagiye bitera imbere uko bwije n’uko bukeye bitewe n’iterambere ry’isi. Byakugora ko wabona igihugu cyidafite byibuze igikorwaremezo cy’umupira w’amaguru.
Bitewe n’umuvuduko w’isi, iterambere ry’ibikorwaremezo bya siporo ryagiye rigaragarira amaso aho nka sitade zubatswe mu myaka ya kera zigenda zivugururwa mu buryo zisanishwa n’isi igezweho.
Sitade nyinshi z’amateka zaravuguruwe zishyirwa ku rwego rugezweho. Muri iyi nkuru tugiye kukubwira sitade 20 za mbere ku isi.
Twifashishije inyandiko z’ibinyamakuru bigiye bitandukanye, twagukoreye sitade 20 ziyoboye izindi ku isi muri uyu mwaka wa 2024:
1. Santiago Bernabeu ya Real Madrid, yakira abantu 81,044, yabatswe mu 1947.
2. Tottenham Hotspur Stadium ya Tottenham Hotspur yo mu Bwongereza, yakira abafana 62,850, ikaba yarubatswe muri 2019.
3. Wembley Stadium y’u Bwongereza, aho yakira abafana 90,000, yubatswe muri 2007.
4. Signal Iduna Park ya Borussia Dortmund yakira abantu 81,365, yubatswe mu 1974.
5. Allianz Arena ya Bayern Munich, yakira abantu 75,024, yubatswe muri 2005.
6. Estadio Azteca ya Club America yo muri Mexico, yakira abantu 105,000, yubatswe 1966.
7. Old Trafford ya Manchester United, yakira abafana 74,879, yubatswe mu 1910.
8. Maracanã ya Fluminese na Flamengo zo muri Brazil, yakira abafana 78,838, yubatswe 1950.
9. San Siro ya AC Milan na Inter Milan, yakira abafana 75,923, yubatswe 1926.
10. La Bombonera ya Boca Juniors, yakira abafana 57,200, yubatswe 1938.
11. Anfield ya Liverpool yakira abafana 61,276, yubatswe 1884.
12. Soccer City ya Kaizer Chiefs muri Afurika y’Epfo,yakira abafana 94,700, yubatswe mu 1989.
13. Camp Nou ya Barcelona yakira abafana 99,354, yubatswe mu 1957.
14. Celtic Park ya Celtic, yakira abafana 60,832, yubatswe mu 1888
15. Wanda Metropolitano ya Atletico Madrid yakira abafana 70,460, yubatswe muri 2017.
16. Stade Velodrome ya Marseille yakira abafana 67,394, yubatswe mu 1937.
17. Mestalla Stadium ya Valencia yakira abafana 49,430, yubatswe mu 1919.
18. Estadio da Luz ya Benfica yakira abafana 64,642, yubatswe muri 2003.
19. Ibrox Stadium ya Rangers yakira abafana 50,987, yubatswe mu 1899.
20. Azadi Stadium ya Esteghlal na Persepolis muri Iran, yakira abafana 78,116, yubatswe mu 1971.
