Umubare w’abantu bapfiriye mu mpanuka y’ubwato iherutse kuba mu burengerazuba bwa Repubulika ya Demokarasi ya Congo imaze kugera kuri 29 nkuko byatangajwe n’ubuyobozi.
Ni mu gihe abarokotse muri ubwo bwato bwarimo abantu hagati ya 250 na 300 bamaze kuba 128 mu gihe abandi bagishakishwa.
Abashinzwe ubutabazi, bamaze iminsi bashakisha ababa bakirimo akuka mu ruzi ruri muri Teritwari ya Kutu mu burengerazuba bw’igihugu aho ubwo bwato bwarohamye ku Cyumweru nk’uko tubikesha VOA.
Ubuyobozi bwemeza kandi ko iyo mpanuka yatewe n’uko bwagonze ingiga z’ibiti zari muri urwo ruzi.
Bamwe mu barobyi bari hafi aho bavuga ko hari indi mirambo y’abaguye muri iyo mpanuka ariko ntibashobora kuyikura muri urwo ruzi.
Biragoye kumenya neza umubare w’ababuriwe irengero ntuzwi kuko n’abari muri ubwo bwato hatazwi umubare wabo nyawo.
Byiringiro Innocent
I am responsible for this article, not the BIGEZWEHO TV website. Please contact me if you need more information about it : +250 781 327 06
