RDC: Hagiye gukorwa iperereza ku cyateye impanuka y’ubwato yahitanye abantu 80

Jun 14, 2024 - 08:54
 0  89
RDC: Hagiye gukorwa iperereza ku cyateye impanuka y’ubwato yahitanye abantu 80

RDC: Hagiye gukorwa iperereza ku cyateye impanuka y’ubwato yahitanye abantu 80

Jun 14, 2024 - 08:54

Abantu 80 bapfuye baguye mu mpanuka y’ubwato mu bwarohamye mu mugezi wa Kwa, mu bilometero 70 uvuye mu Mujyi wa Mushie, mu Ntara ya Maï-Ndombe, hafi y’umupaka w’igihugu cya Congo-Brazzaville gihana imbibi na Repubulika ya Demokarasi ya Congo.

Itangazo ryasohowe n’ibiro bya Perezida Félix Tshisekedi rivuga ko "ashenguwe n’ibyo byago byabaye”.

Perezida Tshisekedi yavuze ko abo iyo mpanuka yagizeho ingaruka bazahabwa ubufasha, ndetse ategeka ko hakorwa iperereza ku cyabiteye.

Ku rubuga nkoranyambaga X, ibiro bya Perezida Tshisekedi byanditse bigira biti, "Perezida wa Repubulika arasaba ko hakorwa iperereza kugira ngo hamenyekane impamvu nyakuri zateje ibi byabaye bibabaje no kwirinda ko byazongera kubaho mu gihe kiri imbere."

Ikinyamakuru BBC cyatangaje ko impanuka z’ubwato zipfiramo abantu zikunze kubaho muri Repubulika ya Demokarasi ya Congo, bitewe n’uko akenshi amato aba atwaye abagenzi benshi cyane kurenza abo yagenewe gutwara.

Ikindi kandi, ngo ni gacye cyane abo bagenzi baba bambaye amakoti yabugenewe abarinda kurohama ndetse akenshi ntibaba bashobora koga. 

Byiringiro Innocent I am responsible for this article, not the BIGEZWEHO TV website. Please contact me if you need more information about it : +250 781 327 06