Polisi yataye muri yombi abantu icyenda bazira kwerekana amabendera y’Uburusiya mu myigaragambyo
Polisi yataye muri yombi abantu icyenda bazira kwerekana amabendera y’Uburusiya mu myigaragambyo
Ubuyobozi bwa polisi muri Leta ya Borno muri Nigeria bwataye muri yombi abigaragambyaga icyenda bazira kwerekana amabendera y’Uburusiya mu myigaragambyo.
Ku wa Kabiri, tariki ya 6 Kanama 2024, Komiseri wa Polisi muri Borno, CP Yusuf Lawal yabwiye abanyamakuru bo muri Nigeria ko bafunze abantu 9 bigaragambije bafite amabedera y’Uburusiya.
Uyu muyobozi yavuze ko abakekwa batawe muri yombi ku wa Mbere tariki ya 5 Kanama 2024 mu gace ka Zannari Tamsu.
Lawal yavuze ko abafashwe ari Khalafi Abdulhamid, Mohammed Abubakar, Mohamed Ibrahim, Abba Hassan, Bashir Ahmad, Musa Lawan, Abba Mallam, Habibu Auwal, na Inusa Abdullahi
Aba bafashwe bahise bafungwa mu gihe hari gukorwa iperereza ryimbitse ku byo bakoze ubwo bari bari mu myigaragambyo.
Komiseri Lawal yongeyeho ko mu gace ayoboye ibintu byasubiye ku murongo ndetse anizeza abaturage umutekano urambye.
Abigaragambyaga bagaragaye bazunguza amabendera y’ibihugu by’amahanga i Kano, Abuja, Kaduna na Borno kuva imyigaragambyo yatangira mu gihugu hose ku ya 1 Kanama 2024.
