Polisi iri guhigisha uruhindu imfungwa yatorotse igeze imbere y'urukiko isimbutse hejuru muri etaje
Polisi iri guhigisha uruhindu imfungwa yatorotse igeze imbere y'urukiko isimbutse hejuru muri etaje
Muri Afurika y’Epfo, umugabo wari ukurikiranyweho ubujura no kwinjira mu nzu binyuranyije n’amategeko yabashije gutoroka ubwo yari agejejwe imbere y’urukiko.
Uwo mugabo witwa Onoshana Thando Sadiki, yari yagejejwe mu rukiko rwa Johannesburg ruri i Jeppe kugira ngo yisobanure ku byaha aregwa.
Nyamara, ubwo urubanza rwe rwari rugiye gukomeza yaje gutoroka asimbutse igorofa y’urukiko aho yahise aburirwa irengero.
Amashusho yakwirakwijwe ku mbuga nkoranyambaga agaragaza uko yatorotse, ibintu byatangaje benshi, bamwe bavuga ko bisa n’ibikorwa bisanzwe biboneka muri za filime.
Kugeza ubu, Sadiki ntarafatwa kandi inzego z’umutekano ntiziramenya aho aherereye.
Polisi irasaba abafite amakuru ku hantu yaba yahungiye kuyatanga kugira ngo afatwe ashyikirizwe ubutabera.
Byiringiro Innocent
I am responsible for this article, not the BIGEZWEHO TV website. Please contact me if you need more information about it : +250 781 327 06
