Perezida Aleksandar Vucic wa Serbie yatangaje ko u Burusiya bwamuburiye ko ari gutegurirwa coup d’état
Perezida Aleksandar Vucic wa Serbie yatangaje ko u Burusiya bwamuburiye ko ari gutegurirwa coup d’état
Perezida Aleksandar Vucic wa Serbie yatangaje ko u Burusiya buherutse kumuburira ko i Belgrade mu murwa mukuru w’igihugu cye hari gutegurwa imvururu zigomba gutangizwa n’abahagarariye ibihugu byo mu burengerazuba bw’Isi.
Ni imyigaragambyo Perezida wa Serbia avuga ko iri mu mugambi wo kumuhirika ku butegetsi.
Yabwiye abanyamakuru ati: "Uyu munsi twahawe amakuru nyayo n’u Burusiya. Amakuru twayahawe biciye mu nzira zemewe n’amategeko hanyuma turi gukora ngo tubikemure".
Perezida Vucic yavuze ko inzego zirimo ubutasi bwa Serbie ari zo zatangiye gukurikirana kiriya kibazo.
Yunzemo ati: "Abarota ko hari icyo bageraho ku ngufu bazatsindwa. Serbia iri gutera imbere ubutitsa bityo ntibashobora kuyihagarika. Ntabyo bazigera bashobora."
U Burusiya bwaburiye Perezida wa Serbia, mu gihe ikinyamakuru Vecernje Novosti cyo muri iki gihugu giheruka kwandika ko abatavuga rumwe n’ubutegetsi bwacyo bateganya kuririra ku myigaragambyo ishyigikiwe n’ibihugu byo mu burengerazuba bw’Isi iteganyijwe kuri uyu wa Gatandatu, bakagaba igitero ku ngoro y’Umukuru w’Igihugu mbere yo kwica Perezida.
