Kenya: Polisi yatanze Itangazo rirangisha imbwa yitwa Jet yaburiwe irengero
Imbwa yitwa "Jet" yo mu bwoko bwa Belgian Malinois, ikoreshwa n'igipolisi cya Kenya mu ntara ya Meru kuva ku wakabiri yaburiwe irengero kuburyo Polisi yatanze itangazo riyirangisha.
Muri iryo tangazo ryatanzwe na Polisi rirangisha iyo mbwa yabo yitwa "Jet" rivuga ko iyo mbwa ifite ibara ry'ikijuju ikaba ifite imyaka irindwi y'amavuko
Polisi yavuze ko amakuru yibura ry'iyo mbwa, yatanzwe n'Umukozi wari uyishinzwe ubwo yajyaga kuyireba aho yarisanzwe iba hanyuma akayibura agahita ajya kubimenyesha kuri Sitasiyo yapolisi ahitwa Msimamizi.
Nyuma yo kumenya ko iyo mbwa yaburiwe irengero, Polisi yahise itangira gushakisha mu bice bitandukanye byegereye aho iyo mbwa yari isanzwe iba ariko nubu ntabwo barayibona.
Polisi yahise saba abaturage ko uwayibona yatanga amakuru kuri Sitasiyo ya Polisi imwegereye.
Iyo mbwa "Jet" yifashishwagwa mu gusaka ahantu bicyekwa ko hari ibiyobyabwenge cyangwa se ahantu hacyekwa ko haba hari ibisasu.
