Mu masaha ya Saa cyenda zo ku gicamunsi cyo kuri uyu wa Mbere Tariki ya 20 Ugushyingo 2023, nibwo mu Murenge wa Muhima mu Karere ka Nyarugenge, abantu batandatu bagwiriwe n’umukingo abagera kuri batatu bahita bapfa.

Gusa bamwe muri bagenzi bakoranaga bavuze ko icyabashenguye ni ukuntu ba nyakwigendera batatu bari muri batandatu umukingo wagwiriye bapfuye imirimo ya kompanyi bakoreraga yitwa Green Land Plaza igahita ikomeza biturutse ku itegeko ryatanzwe n’ubuyobozi bayo.

Aba bantu bagwiriwe n’umukingo uko ari batandatu barimo gusiza ikibanza cyo kubakamo.

Umunyamabanga Nshingwabikowa w’Umurenge wa Muhima Mukandori Grace aganira n’Itangazamakuru yemeje ko abayedi batatu muri batandatu basizaga ikibanza bapfuye kubera impanuka yatewe n’umukingo wabagwiriye.