Ni igikorwa kitabiriwe n’abamurika imideli baturuka mu Rwanda no hanze dore ko hari abavuye muri Sudani y’Epfo, Repubulika Iharanira Demokarasi ya Congo, u Burundi, u Buyapani n’ahandi.

Mucyo Sandrine, Umuyobozi wa The Ssanduina Ltd, itegura ‘The Stage Fashion Showcase’ yabwiye IGIHE ko hiyandikishije abarenga 600 ariko abari bujuje ibisabwa bitabiriye bakaba bari 301.

Ati “Tukaba twatoranyije 60 bazamara amezi atatu mu mwiherero uzabera hano ’Mundi Centre’ no muri ‘Institut Français du Rwanda.”

Mucyo Sandrine yasobanuye ko ku itariki 5 Ukwakira 2024 muri Kigali Convention Centre hazaba igitaramo cyo guhitamo abamurika imideli babiri, umuhungu n’umukobwa buri wese ahembwe ibihumbi 800 Frw. Yongeyeho ko n’abahanga imideli babiri bazahiga abandi bazahembwa ibihumbi 400 Frw.

‘The Stage Fashion Showcase’ yabaye bwa mbere ku itariki 14 Ukwakira 2023 mu birori byabereye muri Kigali Marriot Hotel. Ni ibirori bigamije kuzamura uruganda rw’imideli mu Rwanda no kumurika impano nshya ku ruhando mpuzamahanga.

Abamurika imideli batambutse imbere y'akanama nkemurampaka

Sandrine Mucyo ari gushyira itafari ku ruganda rw'imideli mu Rwanda abinyujije muri sosiyete yatangije yitwa Ssanduina Ltd

Umunyarwenya Fally Merci yitabiriye igikorwa cyo gutoranya abamurika imideli'

Umunyamideli Linda Muh unagaragara mu ndirimbo z'abahanzi yari mu baje gushyigikira Sandrine Mucyo

Florent Masate, Umukozi muri Ambasade y'u Bufaransa mu Rwanda, yitabiriye The Stage Fashion Showcase

The Stage Fashion Showcase iha amahirwe abafite impano mu kumurika imideli

Ni ubwa kabiri habaye The Stage Fashion Showcase yatoranyirijwemo 60 bazagaragara muri Kigali Convention Centre

Mucyo Sandrine yatangije igikorwa cyo guhemba abamurika imideli

Havademan ni umwe mu bayobozi ba Ssanduina Ltd itegura The Stage Fashion Showcase

Abamurika imideli bitabiriye ijonjora

Abamurika imideli mbere yo gutangira kwiyerekana

Babanje kureba ko biyandikishije