Impanuka yahitanye Umusore witeguraga kurushinga n’umukunzi we habura amasaha make ngo ubukwe bube

Aug 26, 2024 - 06:25
 0  633
Impanuka yahitanye Umusore witeguraga kurushinga n’umukunzi we  habura amasaha make ngo ubukwe bube

Impanuka yahitanye Umusore witeguraga kurushinga n’umukunzi we habura amasaha make ngo ubukwe bube

Aug 26, 2024 - 06:25

Kirk Walker, umugabo w’imyaka 38 wo mu mujyi wa Manhattan muri Leta Zunze Ubumwe za Amerika, yishwe n’impanuka y’imodoka kuri uyu wa Gatandatu habura amasaha make ngo akore ubukwe n’umukunzi we.

Kirk Walker na mubyara we Rob McLaurin bishwe n’impanuka nyuma y’uko imodoka bari barimo igonzwe n’indi y’umushoferi wari wataye umuhanda we, akinjira mu wabo bikarangira bagonganye.

Byabaye habura amasaha make ngo kuri iki Cyumweru Walker asezerane kubana akaramata n’umukunzi we Shauntea Weaver w’imyaka 40, nkuko The New York Post yabitangaje.

Weaver amaze kumva ibyabaye ku mukunzi we yashenguwe n’agahinda. Ati “Ndi kwiyumvisha ko ari nka filime, ko ari nk’inzozi nza gukanguka nkasanga zagiye. Kuva impanuka yaba, ndi kwiyumva mu buryo budasanzwe.”

Ubukwe bw’aba bombi bwari kuba kuri iki Cyumweru saa kumi n’imwe n’igice z’umugoroba ku isaha yo muri Manhattan. Ibyangombwa byose byari byateguwe n’aho bari kwakirira abashyitsi.

Walker witabye Imana, nubwo yari agiye gukora ubukwe yari asanganywe abandi bana batatu.

Nubwo uwagonze Walker na mubyara we yahise atoroka, Polisi yabwiye umuryango w’abishwe ko hari utunyangingo ndangasano (DNA) twasigaye ku byuma bikingira umuntu mu modoka iyo habaye impanuka (airbags). Bizeye ko bizabafasha kumugeraho bidatinze, akagezwa mu butabera.

H. Rene Maurice I am responsible for this article, not the BIGEZWEHO TV website. Please contact me if you need more information about it : +250 783348461