Imodoka ya Polisi yagonze umupolisi ukora mu ishami ryo mu muhanda rizwi nka Traffic Police ahita yitaba Imana
Imodoka ya Polisi yagonze umupolisi ukora mu ishami ryo mu muhanda rizwi nka Traffic Police ahita yitaba Imana
Imodoka ya Polisi yagonze Umupolisi ukora mu ishami ryo mu muhanda rizwi nka Traffic Police ahita yitaba Imana, ubwo yariho abaza ibyangombwa Umushoferi yari yahagaritse mu muhanda mu gace ka Cheptais Junction ku cyumweru tariki ya 9 Kamena 2024 nkuko Polisi yabitangaje.
Citizen Digital, dukeshya iyi nkuru, cyanditse ko Umupolisi witwa Frederick Juma, usanzwe akora mu ishami rya Traffic Police, yagonzwe n'imodoka ya Polisi ubwo uwo Mupolisi Frederick Juma yari yahagaritse Shoferi ariho amubaza ibyangombwa.
Raporo ya Polisi ivuga ko ubwo uwo Umupolisi yariho abaza ibyangombwa uwo mushoferi, hahise haza imodoka ya Polisi yo mu bwoko bwa Toyota Lund Cruiser yari iturutse kuri Sitasiyo ya Polisi yahitwa Sirisia ihita imugonga ako kanya ahita yitaba Imana.
Iyo raporo ya Polisi ikomeza ivuga ko icyateye iyo modoka yari twawe na Gideon Maguti gukora impanuka ikagonga uwo mupolisi wari mu kazi, byaturutse ku muvuduko yari afite maze ashatse gukata ngo atagonga iyo modoka yari iparitse, nibwo yahise agonga uwo mupolisi akomereka bikomeye mu mutwe arinabyo byamuviriyemo guhita ahasiga ubuzima.
