Mu kiganiro n’itangazamakuru cyabaye ku gicamunsi cyo ku itariki 29 Werurwe 2024, Platini P yasobanuye ko indirimbo yakozwe mu buryo bw’amajwi habura amashusho.

Ati “Indirimbo nakoranye na Eddy Kenzo irahari harabura amashusho. Igitaramo nikirangira tuzakora amashusho yayo. Ndabizeza ko nyuma y’Icyunamo nzayishyira hanze biri no mu byazanye uyu muvandimwe Eddy Kenzo"

Hashize imyaka 12 Itsinda ryahoze ryitwa Dream Boyz, Platini P yabarizwagamo rikoranye indirimbo na Eddy Kenzo. Ni indirimbo yitwa No One Like You yakunzwe igaharurira inzira umuziki nyarwanda i Kampala.

Ku itariki 30 Werurwe 2024, Platini P azakorera igitaramo muri Kigali Cultural Exhibition Village (KCEV) ahazwi nka Camp Kigali.

Yacyise "Baba Experience" kizitabirwa na Zeo Trap, Kenny Sol, Riderman, Butera Knowless, Mr Kagame, Eddy Kenzo na Urban Boyz.

Kwinjira muri iki gitaramo ni 5000 Frw mu myanya isanzwe, 10.000 Frw muri VIP n’ameza y’abantu umunani agura 200.000 Frw.

Imiryango ku bazitabira igitaramo izafungurwa Saa Kumi z’Umugoroba kuko umuhanzi wa mbere azurira urubyiniro saa kumi n’imwe.

Ni igitaramo kizacurangwamo na DJ Edouce na DJ Bissosso. Platini P agiye kwizihiza imyaka 14 ari mu muziki n’imyaka itatu atangiye urugendo rw’umuziki nyuma y’uko itsinda rya Dream Boyz ritandukanye.

Platini P agiye gukora igitaramo kizihiza imyaka 14 amaze mu muziki

Eddy Kenzo yanze kuvuga ku rukundo afitanye na Minisitiri Phiona bamaze igihe bameranye neza

Butera Knowless yasobanuye ko yiteguye gutaramira abafana ba Platini P

Humble yahishuye ko bari guteganya gukorana indirimbo na Platini P

Nizo Kabosi yiteguye gutaramira abafana

Urban Boyz ya babiri yiteguye gutaramira abafana bazaza mu gitaramo cya Platini P

Zeo Trap yitabiriye igitaramo cya Platini P bitewe n'abafana bamwifuje kubera agezweho