1. Umukandida abigenza ate kugira ngo amenye amanota ye?

Kugira ngo umukandida abashe kureba/kumenya amanota ye akoresha uburyo

bukurikira: Kujya ku rubuga rwa NESA (https://www.nesa.gov.rw/), agakanda

ahanditse ijambo “Exam Results”, agakanda ahanditse “Advanced

Level/TTC/TVET-TSS”, akandika nomero iranga umukandida ahabigenewe “Index

Number”, hanyuma akuzuza ahandikwa nomero ye y’indangamuntu, yarangiza

agakanda “Get Results” agahita abona amanota ye.

2. Ko hatangazwa amanota umukandida yagize ku ijana (percentage), kuki

hakigaragara ibyiciro by’imitsindire (grades) kuri buri somo?

Amanota y’ibizamini bya Leta yatangajwe hagaragazwa ayo umukandida yagize ku

ijana (percentage), kugirango buri mukandida amenye amanota nyirizina yagize

muri ibyo bizamini. Ibyiciro by’imitsindire (grades) bikoreshwa kuri buri somo kuko

biteganywa n’integanyanyigisho ishingiye ku bushobozi (CBC) yigishwa mu mashuri

y’u Rwanda.

Indi mpamvu ni uko ibyo byiciro byoroshye ku bigereranya n’ibikoreshwa mu bindi

bihugu mu igereranya ry’impamyabumenyi/impamyabushobozi rikorwa ku rwego

mpuzamahanga (equivalence).

3. Ni irihe nota umukandida wakoze ikizamini cya Leta gisoza icyiciro cya kabiri

cy’amashuri yisumbuye agomba kubona kugira ngo ahabwe Impamyabumenyi

/impamyabushobozi?

a) Kugira ngo umukandida wakoze ikizamini cya Leta gisoza icyiciro cya kabiri

cy’amashuri yisumbuye abone impamyabumenyi/impamyabushobozi, agomba

kuba afite nibura amanota mbumbe mirongo itanu kw’ijana (50%). Umukandida

wese ufite munsi y’ayo manota aba yatsinzwe.

b) Ku bizamini ngiro by’amasomo y’imyuga n’ubumenyingiro ndetse n’ay’inyigisho

mbonezamwuga, umukandida utagize amanota 70% nta mpamyabushobozi

ahabwa.

4. Ni irihe nota umukandida wakoze ikizamini cya Leta gisoza icyiciro cya kabiri

cy’amashuri yisumbuye agomba kubona kugira ngo abe yatsinze isomo runaka?

a) Ku bizamini by’amasomo y’ingenzi (Core Subjects) n’ amasomo rusange

(Subsidiary subjects), umukandida agomba kugira nibura amanota 50% muri

icyo kizamini kugira ngo abe yagitsinze.

b) Ku bizamini ngiro by’amasomo y’imyuga n’ubumenyingiro ndetse

n’ay’inyigisho mbonezamwuga (Practical Examinations) umukandida

agomba kugira nibura amanota 70% muri icyo kizamini kugira ngo abe

yagitsinze.

5. Gushyira amanota mu byiciro by’imitsindire bikorwa bite?

Amanota ashyirwa mu byiciro mu buryo bukurikira:

a) amanota y’ibanze buri mukandida yagize ku ijana ahabwa icyiciro gihagarariwe

n’inyuguti kuri buri somo;

b) gushyira mu byiciro amanota ya buri somo ry’ingenzi (Core Subjects)

hashingirwa ku manota ari ku ijana ahagarariwe n’inyuguti A, B, C, D, E, S na

F zerekana urwego rw’imitsindire rw’umukandida muri buri somo;

c) gushyira mu byiciro amanota ku masomo rusange (Subsidiary subjects)

hashingirwa ku manota ari ku ijana, aho uwaritsinze ahabwa inyuguti ya S naho

uwaritsinzwe agahabwa inyuguti ya F.

6. Ni ibihe bipimo ngenderwaho bigena imbibi z’amanota mu bizamini bya Leta?

Ibipimo ngenderwaho bigena imbibi z’amanota mu bizamini bya Leta bikubiye mu

mbonerahamwe 3 zikurikira, bitewe n’ubwoko bw’amasomo:

a) Ibizamini by’amasomo y’ingenzi (Core Subjects)

Imbibi z’amanota Inyuguti iranga icyiciro Igisobanuro

80 – 100 A indashyikirwa

75 – 79 B ni byiza cyane

70 – 74 C ni byiza

65 – 69 D birashimishije

60 – 64 E birahagije

50 – 59 S inota ryo hasi ryo gutsinda

0 – 50 F gutsindwa

b) Ibizamini by’amasomo rusange (Subsidiary subjects)

Imbibi z’amanota Inyuguti iranga icyiciro Igisobanuro

50 – 100 S Gutsinda

0 – 50 F Gutsindwa

c) Ibizamini ngiro by’amasomo y’imyuga n’ubumenyingiro ndetse n’ay’inyigisho

mbonezamwuga (Practical Examinations):

Imbibi z’amanota Inyuguti iranga icyiciro Igisobanuro

70 – 100 S Gutsinda

0 – 50 F Gutsindwa

7. Ni gute amanota mbumbe ku ijana abarwa?

Amanota mbumbe ku ijana abarwa hashingiwe ku bintu bikurikira:

a) Amanota umukandida yabonye ku ijana muri buri somo

b) Agaciro ka buri somo kagenwa hashingiwe ku masaha iryo somo ryigishwa mu

cyumweru mu cyiciro cyose, naho mu mashuri yisumbuye ya tekinike, ako gaciro

kakagenwa n’umubare w’amasaha yagenwe kuri buri mbumbanyigisho (credits)

Amanota mbumbe ku ijana (weighted percentage) abarwa mu buryo bukurikira:

Ijanisha mbumbe = ∑(???????????????????????????? ???????????? ???????????????????? × ???????????????????????????? ????????????????ℎ????)

∑ ???????????????????????????? ????????????????ℎ????????

Urugero:

Umukandida warangije mu ishami rya MCB, yabonye amanota akurikira mu bizamini

yakoze:

MCB

Umuba

re

w'amas

aha mu

cyumw

eru

(A)

Umub

are

w'imy

aka

y'icyic

iro

(B)

Ubure

mere

bw'iso

mo

(A x B)

= C

Amano

ta

yabony

e muri

buri

somo

(E)

Igikub

o

(C x

E) = F

Ijanisha mbumbe

( F

C

)

Imibare 7 3 21 56.5 %

1,186.

5

5,676.90

90

= 63.08%

Ubutabire 7 3 21 67 % 1,407

Ibinyabuzima 7 3 21 45 % 945

Ihangamurim

o

6 3 18 82 % 1,476

Ubumenyi

rusange

n’ubuhanga

bwo

gushyikirana

3 3 9 73.6 % 662.4

Igiteranyo 90 5,676.

90

8. Ese uburyo ibizamini bya Leta bikosorwa burizewe?

Yego. Uburyo ibizamini bya Leta bikosorwa burizewe kuko kubikosora bikorwa

hifashishijwe uburyo bwa gihanga bunakoreshwa mu bindi bihugu byateye imbere

bwitwa “conveyor belt marking System” bwatangiye gukoreshwa mu Rwanda mu

mwaka wa 2008. Ubu buryo bwashyizweho mu rwego rwo kwirinda amakosa

yashoboraga gukorwa mu gihe cy’ikosora, aho ikaye yakosorwaga n’umwarimu

umwe. Muri ubwo buryo bwa “conveyor belt marking System” ikaye ikosorwa

n’abarimu bari hagati ya 5 na 7 b’inararibonye kandi b’inyangamugayo bigisha

isomo bakosora.

Mu gihe ikaye y’umukandida ikosorwa, umwirondoro we uba uhishe kugirango

ukosora atamumenya.

Iyo gukosora birangiye, irindi tsinda ry’abagenzuzi (checkers) bari hagati ya 2 na 3

kuri buri kaye basuzuma ko ibibazo byose byakosowe, ko amanota ari ku ikaye

y’ikizamini ari yo yanditswe ahabigenewe, bakareba ko ateranyijwe neza, kandi

bagafungura imyirondoro y’abakandida hanyuma bakandika amanota ku mafishi

yabugenewe. Ibyo rero bituma amanota abakandida babonye aba afitiwe

ikizere gihagije.

9. Amanota ari ku mafishi agera ate muri sisitemu atangarizwamo?

Iyo amanota amaze kwandikwa ku mafishi, ashyikirizwa abayandika muri sisitemu

isomo ku rindi hifashishijwe mudasobwa. Amanota yanditswe muri sisitemu

yongera kugenzurwa n’irindi tsinda ridafite aho rihuriye n’iryayanditse

hagereranywa ayanditse muri sisitemu n’ayanditse ku mafishi. Ibyo bikorwa

hagamijwe gutahura ahaba hari ikosa kugira ngo rikosorwe.

Iyo hari ikosa rigaragaye, bigaragazwa ku mafishi kandi uribonye akabisinyira. Iryo

kosa rikosorwa n’irindi tsinda ritandukanye n’iryanditse amanota ndetse

n’iryayagenzuye.

10. Ese umukandida ashobora gusaba gukosoza imyirondoro nyuma y’itangazwa

ry’amanota y’ibizamini bya Leta?

a) Yego. Umukandida ashobora gusaba gukosoza imyirondoro nyuma y’itangazwa

ry’amanota y’ibizamini bya Leta iyo idahuye n’iri ku ndangamuntu abicishije

muri sisitemu ya SDMS itangarizwamo amanota.

b) Umukandida ufite ikibazo kijyanye n’imyirondoro asaba kuyikosoza anyuze

muri sisitemu ya SDMS yifashishije link ikurikira:

https://sdms.gov.rw/sas-ui/public/examAppealHome.zul

Aha, umukandida asabwa gushyiramo fotokopi y’indangamuntu n’icyangombwa

cy’amavuko.

11. Ese umukandida utishimiye amanota yabonye ashobora gusobanuza?

Yego. Umukandida utishimiye amanota yabonye ashobora gusobanuza kuri NESA

hifashishijwe umurongo wa telefone utishyurwa wa 9070.

12. Ese umukandida utishimiye amanota yabonye ashaka ko NESA yongera

gusuzuma amanota ye abigenza ate?

a) Umunyeshuri utishimiye amanota yabonye, yegera umuyobozi w’ikigo

cy’amashuri yiyandikishirijemo gukora ibizamini bya Leta.

b) Umukandida wigenga utishimiye amanota yagize mu bizamini bya Leta asaba

ko NESA yongera gusuzuma amanota ye abinyujije ku rubuga rwa SDMS.

c) Gusaba kongera gusuzuma amanota bikorwa mu gihe kitarenze iminsi mirongo

itatu (30) uhereye igihe amanota yatangarijwe. Nyuma y’icyo gihe, nta busabe

bushobora gutangwa kuko sisitemu iba ifunze.

d) Nta mukandida cyangwa umubyeyi wemerewe kuza ku biro bya NESA gusaba

ko NESA yongera gusuzuma amanota.

13. Ni izihe nshingano z’umuyobozi w’ikigo cy’amashuri mu bijyanye no gusaba

NESA kongera gusuzuma amanota y’umukandida?

Ku bijyanye no gusaba NESA kongera gusuzuma amanota y’umukandida,

umuyobozi w’ikigo yakira ibibazo byatanzwe n’abakandida biyandikishirije ku kigo

cy’amashuri ayobora, akabisesengura yitonze kugira ngo amenye ishingiro ryabyo,

hanyuma agashyikiriza NESA ubusabe bwose bufite ishingiro binyuze muri

sisitemu ya SDMS. Aha bimusaba kubanza kwinjiramo nk’umuyobozi w’ishuri.

14. Ni izihe mpamvu zituma gusaba ko amanota y’umukandida yongera

gusuzumwa na NESA binyuzwa ku muyobozi w’ishuri?

Gusaba ko amanota y’umukandida yongera gusuzumwa na NESA binyuzwa ku

muyobozi w’ishuri kuko ari we uba yarakurikiranye imyigire y’umukandida, bityo

akaba ari we uzi neza ubushobozi bwe. Ni na we ushobora kumenya neza niba

amanota yabonye ajyanye n’uko yari asanzwe atsinda mu masuzuma anyuranye

akorerwa ku rwego rw’ishuri. Ibyo rero bituma ari we uri mu mwanya mwiza wo

gusuzuma niba amanota y’umukandida akwiriye kongera gusuzumwa.

15. Ese iyo NESA yakiriye ubusabe bwo kongera gusuzuma amanota y’umukandida

ibigenza ite?

Iyo NESA imaze kwakira ubusabe bujyanye n’amanota, ishyiraho itsinda rishinzwe

kugenzura ubwo busabe. Mu gihe isanze budafite ishingiro imenyesha umukandida

bireba hifashishijwe ubutumwa bugufi bunyuzwa kuri telefone (SMS) ko nta

shingiro bufite, ibyo bigakorwa mu minsi itarenze mirongo itatu (30) ibarwa uhereye

ku munsi ubusabe bwakiriweho.

16. Ese umukandida wasabye ko amanota ye yongera gusuzumwa, yemerewe

kugera aho bikorerwa?

Oya. Mu gihe itsinda ryashyizweho na NESA riri mu gikorwa cyo gusuzuma

ubusabe bw’umukandida, uwo mukandida ntiyemerewe kugera aho icyo gikorwa

kibera.

17. Ni ryari NESA itangaza ibyavuye mu kongera gusuzuma amanota

y’umukandida wabisabye?

NESA imenyesha umukandida bireba igisubizo ku busabe bwe hifashishijwe

ubutumwa bugufi bunyuzwa kuri telefone (SMS) mu gihe kitarenze iminsi mirongo

itandatu (60) itangira kubarwa ku munsi yakiriyeho ubujurire bw’abakandida.

18. Ese umukandida wasabye ko amanota ye yongera gusuzumwa, yahabwa

igisubizo na NESA akumva kitamunyuze abigenza ate?

Uwo mukandida nta kindi yakorerwa kirenze gusobanurirwa ibyagaragajwe

n’igenzura. Igisubizo ahawe na NESA nyuma yo kongera kugenzura ibintu byose ni

cyo kiba ari icya nyuma.

END

FUNGURA PDF HANO HASI: