Abaturage bo mu gace ka Khan Younis mu magepfo ya Gaza bararira ayo kwarika nyuma y'igitero gikomeye Islael yabagabyeho.
Islael yagabye igitero gikomeye cyo mu kirere mu gace ka Khan Younis mu magepfo ya Gaza, abaturage bakaba bavuga ko iki gitero aricyo gikomeye cyane kuva iyi ntambara yatangira.
Abantu babaga mu burasirazuba bw'uwo mugi babwiwe na Islael kwimuka bakahava bakerekeza mu magepfo.
Islael yemeza ko bamwe mu bayobozi ba Hamas ariho babarizwa, mu gihe abaturage benshi ariho bari bari nyuma yo kuva mu majyaruguru.
Minisiteri y'ubuzima iyobowe na Hamasi itangaza ko abantu bagera mu 193 aribo bahasize ubuzima.
Kuri uyu wagatanu nibwo igisirikare cya Islael (IDF) nibwo cyasubukuye intambara yatangijwe na Hamas taliki 07 Ukwakira 2023 muri Islael aho yahitanye abantu 1,200.
Minisiteri y'ubuzima muri Gaza itangaza ko abantu bagera ku 15,200 nibo bamaze guhitanwa n'iyi ntambara.
Iyi ntambara yongeye gusubukurwa kuri uyu wa gatanu nyuma yakaruhuko gato bari bihaye.
